Диёр Имомхўжаев нимага шаъма қилди?

"АГМК клуби Олий лигада қандай пайдо бўлиб қолганини эслайсиз-а? Адашмасам, ўшанда 1-лигани 8-ўринда тугатганди. Кейин бирдан юқорининг қарори билан бой клубга айланиб қолди ва Олий лигага қўшилиб олди.

Бу каби мисоллар бизда ҳамма даврда бўлган ва ҳали бўлади ҳам. Чунки, футболга пулни ким бераётган бўлса, унинг айтгани бўлади. Спорт принциплари эса қачонки клублар ўзи пул топишни бошлаганидан кейин ишга тушса керак. 

Хулоса: кто платит тот и заказывает музыку".

ПФЛда фаолият юритаётган Диёр Имомхўжаев афтидан бу гапларни бекорга ёзгани йўқ. Тез орада Суперлигада қандайдир ўзгариш бўлади шекилли. Анчадан бери "Сурхон"нинг бу мавсум Суперлигада иштирок этиши ҳақида гап-сўзлар бўляпти. Шунга "Сурхон" вакиллари ПФЛга келган бўлишлари мумкин.

Маълумот учун, ҳозирча Илҳом Мўминжонов бошқарувидаги жамоага бир нечта янги футболчилар келиб қўшилди. Масалан, Асилбек Омонов, Шерзод Каримов, Аъзам Алиев, Азамат Алланиязов шулар жумласидан. Қолаверса Ўзбекистон миллий терма жамоаси сафида Осиё Кубогида иштирок этган Даврон Ҳошимовнинг ҳам шу клубга ўтиши кутилмоқда. Ҳар ҳолда Осиё Кубогида яхши ўйин намойиш этган футболчи Пролига клубига бормаса керак. 

Балки Диёр Имомхўжаев умуман бошқа нарсани назарда тутган бўлишиям мумкин. Воқеалар ривожини кутиб қоламиз.