Дисквалификация муддати қисқарган Поль Погбанинг "Ювентус"даги келажаги аниқ бўлди

"Ювентус" клуби бош директори Маурицио Сканавино клуб Поль Погба билан шартномани бекор қилиш бўйича музокаралар ўтказаётганини маълум қилди. 

"Поль Погба билан музокара ўтказаётганимизни тасдиқлашим мумкин. Қарор ҳам маълум, шунчаки шартларни аниқ қилиб олсак бўлди. Поль Погба "Ювентус"ни тарк этади ва эркин агентга айланади", -дейди Маурицио Сканавино. 

Маълумот учун, яқиндагина Халқаро Спорт арбитраж суди (CAS) 4 йилга футболдан четлатилган Поль Погбанинг аппеляциясини қисман қаноатлантириб, четлатиш муддатини 18 ой қилиб белгилаганди.