Дино Зофф: "Роналду ҳам биз каби одам"
18 ноя 2021 21:47
Новости

Дино Зофф: "Роналду ҳам биз каби одам"

Италия терма жамоаси ва "Ювентус" собиқ дарвозабони "кекса синьора"да кузатилаётган ҳозирги ҳолат ҳақида тўхталди.

79 ёшли Дино Зофф Италия чемпионати 13-туридан ўрин олган "Лацио"га қарши учрашув олдидан Массимилиано Аллегри бошқарувидаги жамоа ҳақида фикр билдирди.

"Ўйлашимча, "Лацио" ва "Юве" қизиқарли футбол намойиш этишади. Сарри билан учрашув – яна бир муҳим деталь. Албатта, футболда бундай сценарийга биринчи марта дуч келмаяпмиз. Эҳтимол, "Лацио" ғалаба қозонса, Маурицио ўзидан қандайдир қониқиш ҳосил қилса керак.
Роналдунинг кетиши? Бу қабул қилинадиган қарорларга боғлиқ эди. Ҳозирги ҳолатда, ҳал қилувчи фикр ўйинчида қолади. Бу чемпионлар билан содир бўлади. Ҳақиқатга тик боқайлик: у ҳаммасини ёлғиз ўзи уддалай олмасди. Ҳамма ундан Ойни олиб беришни сўради ва кутди. Хатолар бўлиши мумкин эмас, бироқ у ҳам биз каби одам", – деди Зофф.

"Лацио" ҳамда "Ювентус" ўртасидаги қарама-қаршилик 20 ноябрь куни Тошкент вақти билан 22:00 да бошланади.

Ссылка :

Источник : Tuttosport

Получайте новости прямо в Telegram!

Рейтинг: +18