"Динамо"нинг Чимёндаги тайёргарлиги давом этмоқда, таркибда ўзгаришлар
15 июл 2017 14:34
Новости

"Динамо"нинг Чимёндаги тайёргарлиги давом этмоқда, таркибда ўзгаришлар

Теги : Динамо

11 июль кунидан Чимён тоғли ҳудудида ўқув машғулот йиғинига киришган «Динамо» жамоасининг иккинчи даврага тайёргарлиги қизғин давом этмоқда.

Мураббийлар футболчиларнинг жисмоний ҳолатини яхшилаш борасида алоҳида ишлар олиб боришмоқда. Биринчи даврани ижара асосида жамоамизда ўтказган Абдужамол Исроилов («Нефтчи»), Дамир Низанов («Нефтчи»), Жавоҳир Қаҳрамонов («Бунёдкор») ҳозирда клуб ихтиёрида эмас.

Биринчи даврани «Сурхон» клуби сафида ижарада ўтказган Жонибек Кўчимов яна «Динамо» ихтиёрига қайтарилди. Шунингдек, «Олмалиқ»дан Муҳаммад Исаев, «Металлург»дан Дониёр Исмоилов сингари ёш яримҳимоячилар келиб қўшилган.

Эслатиб ўтамиз, «Динамо» 20 июлдан Тошкентда назорат баҳсларига киришади. Дастлабки учрашув шу куни «Навбаҳор» жамоасига қарши ўтказилади.

«Динамо» Ўзбекистон Кубоги ярим финали доирасида 31 июль куни «Бунёдкор»/«Нефтчи» жуфтлиги ғолибига қарши сафарда ўйин ўтказса, 5 август куни Олий Лига 16-тури доирасида Самарқандда «Металлург» жамоасини қабул қилади.