Дилявер Ваниев: "Клубнинг молиявий ҳолатига мен жавоб бермайман"

Бугун қийин об-ҳаво шароитидаги қийин ўйинни ўтказдик. Бундай қорли майдонда ўйлаган режаларни амалга ошириш оғир. Нима ҳам дейишим мумкин? Бу майдонда иккала жамоа ҳам ўйнади. Шунга қарамасдан, йигитларимиз қийин шароитда бўлса-да, охиригача курашишга ҳаракат қилди.

Албатта, бизнинг бугунги ўйин учун режаларимиз бошқача эди. Аммо ноқулай об-ҳаво шароити туфайли ҳаммаси ўзгариб кетди. Ҳозир гапирсам баҳона бўлиб қолади. Афсуски, охирги дақиқаларда ҳимояда йўл қўйган хатоимиз қимматга тушди. Оддий вазиятдан гол ўтказиб юбордик.

Клубнинг молиявий ҳолати ҳақида мен жавоб бермайман. Буни мендан сўраманг. Ушбу ўйинга етиб кела олдик. Менинг ишим жамоани шуғуллантириш ва ўйинга тайёрлаш. Биз қўлдан келганича ушбу баҳсга тайёргарлик кўрдик.

Сардор Абдураимов нега захирадан майдонга тушди? У машғулотга қўшилганига ҳали кўп бўлмади. Сардор бизнинг асосий футболчимиз. Бугун қаердадир хато қилгандирмиз, ҳаммасини кўриб чиқамиз", - дейди Ваниев.