Дилшод Саитовга Туркия ва БАА жамоалари қизиқмоқда
04 дек 2023 16:08
Новости

Дилшод Саитовга Туркия ва БАА жамоалари қизиқмоқда

Хорижда ўйнаётган легионерларимиз сони яна биттага ошиши мумкин.

Гап "Пахтакор" футболчиси Дилшод Саитов ҳақида кетмоқда. Ҳимоячи Туркия ва БАА клублари қизиқишлари доирасида турибди. "Шерлар" устози мазкур вазиятга қуйидагича изоҳ берди:

"Ҳа, унга билдирилган таклифлар бор. Унга араблар томонидан қизиқиш бўлмоқда. Кўрамиз, музокаралар олиб борамиз. Биз учун футболчининг фикри муҳим. Унда ярим йил ижарада ўйнаб қайтиш варианти ҳам бор.
Бизнинг сиёсатимиз шундан иборатки, агар футболчида бошқа жамоага кетиш варианти бўлса, биз уни қўйиб юборишга тайёрмиз. Футболчининг умри қисқа, четга кетиб, кучлироқ жамоаларда ўйнаши, пул ишлаши керак",- дейди Максим Шацких.

Маълумот учун, Дилшод Саитов 2023 йилги мавсум Суперлигада 18та учрашувда майдонга тушди ва 2та гол, 4та ассист қайд этди.

Ссылка :

Источник : championat.asia

Получайте новости прямо в Telegram!

Рейтинг: +8