Дилшод Ирсалиев қайси жамоа жаҳон чемпионлигини қўлга киритишини айтди

"Илк маротаба жаҳон чемпионати Ўзбекистонда ўтказилмоқда. Ўзим терма жамоамизнинг Коста-Рикага қарши учрашувини бевосита аренадан кузатдим. Қолган баҳсларни бевосита стадиондан кузатмаган бўлсам-да, телевизор қаршисида кузатиб бордим. 

Бугун футзал афсоналарига қарши беллашдик. Бироқ нафақат рақиб, балки ўз жамоамиз таркиби ҳам афсонавий ўйинчилардан иборат эди. Учрашувдан роҳатландим. 

Финалга тўхталадиган бўлсак, Аргентина жамоавий жиҳатдан кучли жамоа саналади. Бразилия эса индивидуал маҳоратга эга футзалчиларга таянади. Менимча, Аргентина бўлажак ўйинда ғалаба қозонади", - деди Ирсалиев.