Диего Симеоне: "Челси" билан ўхшашликларимиз кўп"

Бизни "Челси" билан ўхшашликларимиз кўп. "Челси"да ҳам биз каби зўр ҳимоячилар бор. Ҳар иккала жамоа тезкорроқ ҳужумкор футбол намойиш этишни ёқтиради. Лондонликлар ҳам, биз ҳам стандарт вазиятларидан унумли фойдаланамиз. Бу сифатлар бизга чемпионатда олтин медалларни қўлга киритишимизга ёрдам беради.  Биз фақат ўз ўйинимиз ҳақимизда бош қотирамиз. Рақиблар ҳақида эмас. Лекин "Челси"ни ҳурмат қиламиз. Бор диққат эътиборимиз фақат шу ўйинга қаратилган. Бошқа нарсалар ҳақида ўйлайдиган пайт эмас ҳозир.
"Атлетико" ўз кучли томонларини кўрсатиб, кучсиз томонларини яширишири лозим бу ўйинда. Тибо Куртуа бошқа жамоадошлари сингари катта иштиёқ ва хоҳиш билан бу беллашувни кутмоқда. Футболчилар жуда яхши тушуниб туришибди, қанчалик муҳим ўйин бизни кутиб турганини. Бу нафақат футболчилар ёки мен, балки бутун клуб учун ҳам энг муҳим ўйинлардан бири бўлади. Бунақанги ўйинлар олдидан ортиқча сўзлаш шарт эмас. Бу нарсалар фақатгина газета ва сайтлар учун материал ҳисобланади. Асосийси, ўйинга тайёргарлик. Мен футболчиларга ўз ҳиссиётларини қандай ишлатиш кераклигини айтиб ўтаман. Бу ярим финал. Шундай экан, эртанги баҳс жуда қийин кечади. Бундай учрашувларда кичкинагина хатолар муҳим рол ўйнайди. Қайси жамоа ўз имкониятларидан кўпроқ ўйнай олса, ўша жамоа ғолиб чиқади.
Фернандо Торрес "Атлетико" фарзанди. Фернандо клуб ва унинг ходимларини яхши кўради. Ўйлайманки, ўйингача ва учрашувдан кейин Торресни бутун стадион олқишлаб қўяди. У бунга лойиқ.