Дидье Дешам Франция термасини 2026 йилгача бошқаради

Франция Футбол Федерацияси Дидье Дешам билан ҳамкорликни давом эттиришини эълон қилди. Мутахассиснинг эндиги шартномаси 2026 йилнинг июнь ойигача мўлжалланган.

Дешам "уч ранглилар" терма жамоасини 2012 йилда қабул қилиб олган эди. Унинг бошчилигида мамлакат бош жамоаси 2018 йилги Жаҳон чемпионати ва 2021 йилги Миллатлар Лигасида ғолиб бўлди, шунингдек, улар 2016 йилда Европа чемпионати ва 2022 йилда Жаҳон чемпионати финалига қадар етиб бордилар.

Дешам қўл остида терма 139 та ўйин ўтказди ва 89 та ўйинда ғалаба қозониб, 22 та ўйинда мағлуб бўлди.