Дибала шуғулланишнинг ғалати услубидан фойдаланмоқда

- Мен чапақайман. Хаттоки тиш тозалагични ҳам чап қўлимда ушлайман. Ҳар иккала оёғда ҳам бирдек ўйнашни истайман ва бунинг учун тинмай меҳнат қиляпман. Ўнг оёғимни ҳам кучайтириш учун ақлбовар қилмас ишларни бажаряпман. Ҳар куни ўнг оёғим билан ручкани олиб, ёзишни машқ қиляпман. Бундан ташқари мен кўзларимни ҳам шуғуллантирмоқдаман. Чунки бу менга майдонни кўра олишимда, жамоадошларимни жойлашувини олдиндан ҳис этишимда ёрдам беради. Шунингдек, мен ҳар куни алоҳида машғулот залига бораман. У ерда алоҳида дастур асосида шуғулланаман.
Масалан Криштиану Роналду 360дан ортиқ гол урган. Роналду ўнг оёқ билан ҳаракатланади. Лекин португалиялик юлдуз чап оёғимда ҳам бемалол тўп тепади.
Мен ҳам иккала оёғимда бирдек ўйнашни истайман ва бунинг учун қўлимдан келган барча ҳаракатни амалга ошираман.

Жанлуижи Буффон ўтган йили мени жуда илиқ кутиб олди. Ўшанда бизнинг ишимиз юришмаётганди. Чемпионатдаги 10 та учрашувдан кейин атига 4 очко жамғаргандик. Жижи шунда менга ёмон ўйинимиз учун уялишимиз кераклигини, масъулият юкини ҳамда қийин палладан қандай чиқиб кетиш кераклигини ўргатганди.
Мен шунда билгандим, "Ювентус" бу сен ўзингни оқлайдиган жой эмас, бу ерда фақат ғалаба ҳақида ўйлашга мажбурлигимни тушуниб етгандим.

Италия Суперкубоги ўйинидан кейин руҳан жуда чўкиб қолгандим. Ўшанда пенальтидан адашганим жамоага қимматга тешгани менга ёмон таъсир қилганди. Узоқ муддат руҳий чуқурликдан чиқа олмай юргандим. Ўша пайт ижтимоий тармоқдаги саҳифамда Майкл Жорданнинг гапидан иқтибос келтиргандим: "Ҳаётда ҳар доим хато қилавердим. Бу эса менинг муваффақиятимга сабаб бўлди".
Мени гол ургандан кейин нишонлайдиган ниқобим "Гладиатор" фильмидан олинган. Мен бу фильмни такрор ва такрор кўраман. Ҳаётда йиқилганингдан кейин туриб курашишинг керак.
Мени олдимда жуда кўп кераксиз баҳслашувлар бўлмоқда. Мени баъзан Месси билан тенглаштиришади. Лекин менга у билан рақобат қилишни кераги йўқ. Месси футболда деярли барча совринларни қўлга киритган футболчи. Мен эса энди йўлга чиқдим. Мен терма жамоада ҳам Месси билан муваффақият қозонишни истайман. Унинг ўрнида бўлишни эмас.