Депай "Атлетик"га қарши ўйнамайди, унинг ўрнига бошқа ҳужумчи тикланди
19 янв 2022 21:09
Новости

Депай "Атлетик"га қарши ўйнамайди, унинг ўрнига бошқа ҳужумчи тикланди

Каталониялик ҳужумчи Мемфис Депай Испания кубоги доирасида Бильбаонинг "Атлетик" клубига қарши ўйинда жамоасига ёрдам бермайди.

Манбанинг хабарига кўра, футболчи жамоасининг сўнгги машғулотини ўтказиб юборган.

Каталонияликлар бахтига 2021 йилнинг ёзидан буён ўйинлардан четда қолган ҳужумчи Мартин Брэйтуэйт "кўк-анорранглилар" таркибига қайтиши мумкин. Даниялик форвард аллақачон жароҳатидан фориғ бўлган ва Испания кубоги 1/8 ўйинида жамоасига ёрдам беришга тайёр.

Эслатиб ўтамиз, жорий мавсум Мемфис Депай Испания чемпионатининг 16 ўйинида 8 та гол урди ва 2 та голли узатмани амалга оширди. Ёзда футболчи Франциянинг "Лион" клубидан "Барса" лагерига кўчиб ўтганди.

Ссылка :

Источник : Marca

Получайте новости прямо в Telegram!

Рейтинг: +2