Денис Коростиченко: "Кичик устунликка эга бўлдик, бироқ голларга олиб келган хатоликларга йўл қўйдик"
04 мар 2022 21:01
Новости

Денис Коростиченко: "Кичик устунликка эга бўлдик, бироқ голларга олиб келган хатоликларга йўл қўйдик"

Суперлиганинг 1-туридан ўрин олган "Қизилқум" – "Локомотив" (2:0) баҳсидан кейин "темирйўлчилар" устози Денис Коростиченко ўйин ҳақидаги фикрларини билдириб ўтди.

"Ўйин жуда қийин кечди. Ўзи умуман биринчи тур доирасидаги деярли ҳамма ўйин оғир ўтди. Тажрибали футболчилар йиғилган рақибга қарши ўйин ўтказдик. Кичик устунликка ҳам эга бўлдик, бироқ голларга олиб келган хатоликларга йўл қўйдик.

Сафарда ўйнаганимизга қарамасдан, келиб бизга мухлислик қилган ишқибозларга раҳмат айтаман. Кейинги турларда ғалаба қозонишга ҳаракат қиламиз", – деди Коростиченко