Денис Коростиченко: "Келаси мавсум "Локомотив" Суперлигада қатнашади"

- Ўйин ҳақида

- Илк навбатда жамоамизни ғалаба билан табриклайман. Ўйин ҳақида нима дейишим мумкин. Биз ташаббусга эга эдик. Машғулотлардаги сингари ўйин намойиш этишга ҳаракат қилдик. Қайсидир вазиятлардан фойдалана олдик, қайсиларидадир эса омадимиз келмади. Ўйлашимча, бизнинг фойдамизга ишлаган натижа адолатли бўлди. Андижонликлар ёш бўлса ҳам, яхши жамоа шаклланган экан. Уларни олдинда жуда кўп учрашувлар кутиб турибди. 

- Жамоанингиз йирик ҳисобда ғалаба қозонди. Лекин ҳужумчиларингиз жуда кўп вазиятдан фойдалана олмади. Буни қандай баҳолайсиз?

- Бу ҳали биринчи ўйин.  Шу боис, биринчи бўлимда бироз шошқалоқлик юзага келди. Бу хатоларни тўғрилаймиз.

- Бу йил Суперлигага қайси жамоалар йўл олади деб ўйлайсиз?

- Асосийси, "Локомотив" чиқади (кулади). Қолган жамоаларга мен жавоб бермайман. Келаси йил тезроқ Суперлигага қайтишга ҳаракат қиламиз.