Даврон Файзиев: Бугун анти-футбол гувоҳи бўлдим

- Бугунги ўйинни ўзим ҳам тушунмадим.Жамоа негадир умуман ўзига ўшхамади. Бугунги ўйин ҳақидаги хулосам қандай: Футболчи мураббийни ҳоҳламаса шундай ўйин кўрсатиши мумкин, ёки футбол ўйнашни хоҳламаса, жамоадан кетишни ҳоҳласа шунақа ўйин кўрсатиши мумкин. Ростини айтаман: 3 турдан камида 4 очко жамғариш режам бор эди. Лекин мен бугун майдонда “Сўғдиёна” жамоасини кўрганим йўқ! Танаффусда шогирдларимга ўзларига ишониб ҳаракат қилишларини таъкидладим. Бироқ ўйин тизигини ўнглаш қийин бўлди. Яширадиган ҳеч қанақа гап айтмадим: оҳиригача курашинглар! Мабодо ютказгудек бўлсак, мардларча ютказайлик деб ўқтирдим. Лекин бугун футболмас анти-футбол гувоҳи бўлдим десам ҳато бўлмайди.

- Мухлислар ҳақида…
- Ҳа, мен ҳар доим мухлисларимизга миннатдорчилигимизни билдириб келаман. Мухлисман деб оғзига келган ҳар хил гапларни, нафсониятга, шахсиятга тегадиган гапларни гапиришлар учраб турибди. Менимча бундайларни ҳақиқий муҳлис деб бўлмайди.Тартиб-интизомнинг ҳам чегараси бор. Лекин ҳақиқий мухлисларимиздан чин юракдан миннатдорман ва раҳмат айтаман уларга.