Даврон Чориев: "Японияга қарши баҳс биз учун осон бўлмайди"

Ўзбекистон терма жамоаси гуруҳ босқичида 2та учрашувда ғалаба қозонди. Вакилларимиз эртага гуруҳнинг 3-туридан ўрин олган Япония терма жамоасига қарши баҳс олиб боради. Ушбу учрашувдан олдин терма жамоамиз вакили Даврон Чориев ўз фикрларини билдириб ўтди.

"Авваламбор қўлга киритилган иккита ғалаба билан барчани табриклайман. Биринчи турда Жанубий Кореяни йирик ҳисобда мағлубиятга учратдик. Ҳар доим биринчи ўйинга кўп нарса боғлиқ. Тожикистон терма жамоасига қарши бўлиб ўтган баҳс ҳам осон бўлмади. Асосийси керакли натижани қўлга киритдик. Мақсадимиз гуруҳда биринчи ўринни эгаллаш. Албатта Япония терма жамоасини ҳам мағлубиятга учратишга ҳаракат қиламиз. 

Бизни терма жамоа учун чемпионат аъло даражада ўтяпти. Ниятимиз мусобақани шу даражада якунлаш. Япония терма жамоасига қарши яхши тайёргарлик кўрдик. Японияликлар билан бўладиган ўйин биз учун ҳар доим катта аҳамиятга эга. Ушбу баҳс биз учун осон бўлмайди. Лекин, жамоамизда кайфият аъло даражада. Мухлисларимиз бизни қўллаб-қувватлаб турса, албатта ғалаба қозонамиз", - дейди Даврон Чориев

Жаҳонгир Сотволдиев ёзиб олди