Давид де Хеа "Манчестер Юнайтед"дан кетиши мумкин

Manchester Evening News хабарига кўра, футболчининг янги шартномаси билан боғлиқ вазият ҳалигача аниқ эмас.

Де Хеанинг клуб билан амалдаги шартномаси келгуси мавсум охиригача амал қилади. Клубда шартномани автоматик равишда яна бир йилга узайтириш имконияти бор, аммо раҳбарият ундан фойдаланишга шошилмаяпти.

"Манчестер Юнайтед"нинг янги бош мураббийи Эрик тен Хаг Де Хеанинг мураббий услубига мослашишига шубҳа қилмоқда, чунки испаниялик посбон оёқлари билан яхши ўйнамайди.

Эслатиб ўтамиз, Давид де Хеа 2011 йилнинг ёзида фаолиятини якунлаган Эдвин ван дер Сар ўрнига Мадриднинг "Атлетико"сидан "Манчестер Юнайтед"га ўтганди.