Дани Алвеш озод бўлганидан сўнг илк бор сўзга чиқди

«Ҳар жума куни судга кўриниб кетишим керак. Бундан бошқа қиладиган ишим йўқ.

Қамоқдаги ҳаёт? Мен қаерда бўлишимдан қатъий назар яшаб кетаман. Мен ҳамма нарсага мослашаман, чунки одамни жой эмас, балки одам жойни яратади. Ҳозир ўзимни яхши ва хотиржам ҳис қиляпман», — деди Алвеш.

Эслатиб ўтамиз, суд зўрлашда айбланиб, 4,5 йилга қамалган "Барселона" собиқ ҳимоячисини 1 млн. евро гаров эвазига озод қилишга рози бўлган эди. Аммо футболчининг паспорти олиб қўйилади ва у ҳар ҳафта судда кўриниш бериб туриши лозим.