Далот: "МЮ бироз улғайиши керак"

"Бу мен учун дарс бўлмоқда. Кимлардир бизнинг омадимиз келмаётганини айтса, кимлардир жуда ёмон ўйнаяпмиз дейди. Мухлисларни тушуниб турибман, улар катта масофа босиб ўтиб, учрашувни кўргани келишди. Биз учун барча ўйин оғир ўтаётган вақтда улардан миннатдор бўлишимиз керак.

Биз бироз улғайишимиз лозим. Жамоа шиддатлироқ ўйнаши, ғалаба учун чанқоқ бўлиши ва баҳсларда устунлик қилиши даркор. Менимча бунинг учун барчамизнинг кучимиз етади.

Ғалаба ўз-ўзидан келади деб ўйлаш катта хато бўлади. "Манчестер Юнайтед"да ўйнаётган экансан, ўзингни тўғри тутишинг керак. Буни мен клубга келган илк кунимдаёқ ҳис қилганман", - деди Далот.