Далич: “Англия жудаям кучли терма жамоа”
18 ноя 2018 08:25
Новости

Далич: “Англия жудаям кучли терма жамоа”

Хорватия терма жамоаси бош мураббийи Златко Далич Миллатлар лигаси 6-тури доирасида Англияга қарши кечадиган беллашув ҳақида ўз фикрларини билдириб ўтди.

“Англия тезкор ёш футболчиларга эга кучли жамоа. Аммо мени кўпроқ ўзи жамоам безовта қилмоқда. Чунки биз куни кеча Испанияга қарши баҳс олиб бордик ва катта куч йўқотдик. Биз инглизларга қарши ҳам чиройли футбол кўрсатишга уринамиз, умид қиламанки, жамоам ўйинга тайёр бўлади ва ўз ўйинини намойиш эта олади.

Бу бизнинг сўнгги уч-тўрт ойдаги учинчи ўзаро беллашувимиз. Жамоалар бир бирини жуда яхши билади. Энг муҳими биз инглизларни жаҳон чемпионати ярим финалида мағлуб этганмиз. “Уэмбли”да ажойиб атмосфера бўлишига шубҳа йўқ,” дея Даличнинг сўзларидан иқтибос келтирмоқда Sky Sports нашри.

Англия-Хорватия беллашуви бугун “Уэмбли”да бўлиб ўтади. Ўйин Тошкент вақти билан соат 20:00 да бошланади.

Эслатиб ўтамиз, Англия термаси ЖЧ-2018 ярим финалида қўшимча вақтларда Хорватия термасга 1:2 ҳисобида имкониятни бой берганди.

Ссылка :

Источник : Sky Sports

Получайте новости прямо в Telegram!

Рейтинг: +1