Даҳшатли автофалокатга учраган Антонио етти ой деганда майдонга қайтди
17 июн 2025 20:52
Новости

Даҳшатли автофалокатга учраган Антонио етти ой деганда майдонга қайтди

Футболчи декабрь ойида оғир ЙТХга учраганди.

"Вест Хем"нинг Антонио йўл-транспорт ҳодисасида оёғи синганидан сўнг биринчи бор майдонга тушди. Ҳужумчи 7 ой ўйинлардан четда қолди. "Вест Хем" ҳужумчиси 7 декабрь куни Лондон атрофиди Ferrari машинаси бошқарувини йўқотиб, автофалокатга учраган эди. У оёғи синиши сабабли жарроҳлик амалиётини ўтказган ва тахминан бир йил давомида майдондан ташқарида қолиши кутилаётган эди.

Антонио КОНКАКАФ кубоги доирасидаги Ямайка - Гватемала (0:1) ўйинининг 85-дақиқасида захирадан майдонга тушди. 35 ёшли ямайкалик ҳужумчи ўйинда самарали ҳаракатлар кўрсата олмади.

Унинг "Вест Хем" билан амалдаги шартномаси 2025 йил 30 июнгача амал қилади.