ЦСКАга Россия чемпионати кумуш медаллари топширилди
24 июл 2018 02:44
Новости

ЦСКАга Россия чемпионати кумуш медаллари топширилди

Россия Премьер-Лигаси президенти Сергей Прядкин ҳамда ЦСКА клуби президенти Евгений Гинер футболчилар ва мураббийлар штабига мавсум-2017/2018 медалларини тантанали равишда топширишди.

Тантанали маросим “ВЭБ Арена” стадионида бўлиб ўтди. Ўтган мавсумда ЦСКА Россия чемпионатида иккинчи ўринни эгаллаб, Европа Чемпионлар лигасининг гуруҳ босқичида қатнашиш ҳуқуқини қўлга киритишганди.

Эслатиб ўтамиз, Москва армиячилари ўтган мавсум ЕЧЛда гуруҳ босқичига йўл олишган, лекин якунда ўз квартетларида учинчи ўрин билан кифояланишган эди. Европа Лигасининг чорак финалида эса “Арсенал”га икки ўйин натижасига кўра имкониятни бой бериб қўйишганди.