CONCACAF Gold Cup-2021. Қатар илк турда дуранг ўйнади, Алмоез Али ғаройиб натижа қайд этди

16та жамоа 4та гуруҳга бўлинган ҳолда чемпионлик учун кураш олиб боришмоқда.

Илк турда Мексика дуранг ўйнади, АҚШ кичик, Канада эса йирик ғалабага эришди. Эътиборлиси мазкур мусобақада Осиё чемпиони Қатар терма жамоаси ҳам иштирок этмоқда. Қитъадошимиз илк турни Панаманга қарши ўтказиб 3:3 ҳисобида дуранг қайд этди. Голлардан бирини урган Алмоез Али ғаройиб натижага эришди. У Осиё Кубоги, Копа Америка ва CONCACAF Gold Cup (учта қитъанинг бош мусобақаси)да гол урган дунёдаги ягона футболчига айланди. Бу ҳақда айни пайтда АҚШдаги мусобақада фаолият олиб бораётган Алишер Никимбаев маълум қилди.

Қуйида дастлабки тур натижалари билан танишиш мумкин:


"A" гуруҳи:
Мексика - Тринидад ва Тобаго 0:0

Эль Салвадор - Гватемала 2:0
Голлар: Ролдан 81, Ривас 90+6.


"B" гуруҳи:
Канада - Мартиника 4:1
Голлар: Ларин 16, Осорио 20, Эустакио 26, Корбеану 89 - Ривиера 10.

АҚШ - Гаити 1:0
Гол: Вайнз 8.

"C" гуруҳи:
Ямайка - Суринам 2:0
Голлар: Николсон 6, Декордова Рейд 26.

Коста-Рика - Гваделупе 3:1
Голлар: Кэмпбелл 6, Ласситер 21, Боржес 70 - Миривал 45+5.

"D" гуруҳи:
Қатар - Панама 3:3
Голлар: Акром Афиф 48, Алмоез Али 53, Ҳассан Ал Хайдос 63 пенальти - Блэкберн 51, 58, Дэвис 79 пенальти.

Гондурас - Гренада 4:0
Голлар: Бенгтсон 28, Солано 52, Леверон 86, Куито 88