Coca Cola Суперлигаси. 26-тур лауреатлари

Сайтимиз ўз анънасига содиқ қолган ҳолда тур лауреатларини аниқлади. 

"Локомотив" дарвозабони Жавоҳир Илёсов якунланган турда "Насаф" билан баҳсда ажойиб ўйнади. Қаршиларнинг кўплаб ҳужумлари ва зарбаларидан кейин Илёсов жамоасини голлардан қутқариб қолди ва ҳақли равишда championat.asia талқинига кўра 26-турнинг энг яхши дарвозабони деб топилди.

"Қўқон-1912" ярим ҳимоячиси Қувондиқ Рўзиев "Навбаҳор" билан баҳсда чиройли гол уришга муваффақ бўлди. Жарима майдони ташқарисидан чамаси 20 метрлардан гол урди. Шу тариқа Қувондиқ Рўзиевнинг голи Championat.asia талқинига кўра турнинг энг чиройли голи деб топилди.

Бу турда АГМК ўз майдонида лигада қолиш учун курашган "Бухоро"ни қабул қилиб 3:1 ҳисобида ғалаба қозонишди. Баҳс давомида Ҳусниддин Ғофуров жуда ҳам фаол бўлди ва гол уришга эришди. Шу боис Championat.asia талқинига кўра Ҳусниддин Ғофуров 26-турнинг энг яхши футболчиси деб топилди.

Чемпионатнинг сўнгги турида "Машъал" ўз майдонида "Металлург"ни қабул қилди ва 1:0 ҳисобида зафар қучган. Баҳс давомида муборакликлар яна гол уришлари мумкин эди, бироқ пенальтидан унумли фойдаланилмади. Дилявер Ваниев Championat.asia талқинига кўра 26-турнинг энг яхши мураббийи деб топилди.