Coca Cola Суперлигаси. 23-тур лауреатлари
27 окт 2022 17:14
Новости

Coca Cola Суперлигаси. 23-тур лауреатлари

Куни кеча Coca Cola Суперлигасининг 23-туридан ўрин олган ўйинлар бўлиб ўтди.

Championat.asia ўтказилган баҳслар асосида тур лауреатларини аниқлади.

"Бунёдкор" бу тур Қаршида юқори чемпионлик учун курашаётган "Насаф" меҳмони бўлди ва 1:1 ҳисобида дурангга эришди. Тошкентликлар посбони шу куни ўз маҳоратини кўрсатиб, дарвозани муносиб равишда қўриқлади ва бир неча бор жамоасини голлардан қутқарди. Энг асосийси сўнгги сонияларда Марко Станоевич томонидан пенальтидан тепган тўпини қайтарди ва жамоасини муқаррар мағлубиятдан қутқариб қолди. "Бунёдкор" дарвозабони Суҳробжон Султонов Championat.asia сайти талқинига кўра, 23-турнинг энг яхши дарвозабони деб топилди.

"Олимпик" бу тур Наманганда "Навбаҳор" меҳмони бўлди ва сафардан бир очко билан қайтди. Тошкент клуби биринчи даврада ҳам "лочинлар" билан дуранг ўйнаганди. Намангандаги баҳсда Тимур Кападзе шогирдлари сўнгги дақиқаларда жарима тўпидан гол ўтказмаганда балки ғалаба ҳам қозониши мумкин эди. Шундай қилиб, Championat.asia сайти талқинига кўра, худди ўтган турда бўлгани каби Тимур Кападзе 23-турнинг энг яхши мураббийи дея эътироф этилди.

Бу турда "Навбаҳор" ярим ҳимоячиси Жамшид Искандеров "Олимпик"ка қарши баҳсда жаримадан чиройли гол урди ва тур голига муаллифлик қилди. ВИДЕО

23-турда АГМК вакили Шоҳруҳ Гадоев "Динамо" билан баҳсда жуда фаол ўйнади ва иккита голга пас берди. Шу куни чап қанот ҳимоясида ҳаракат қилган Шоҳруҳ Гадоев Championat.asia талқинига кўра 23-турнинг энг яхши футболчиси деб топилди.