Чемпионларга кубок муборак!
30 ноя 2019 21:51
Новости

Чемпионларга кубок муборак!

Теги : "Локомотив"Локомотив футбол мактаби

Ноябрь ойи "Локомотив" футбол мактаби учун ҳам сермаҳсул келди.

2006 ва 2007 йилда туғилган тарбияланувчиларимиз Туркияда ташкил этилган халқаро мусобақада иштирок этиб, олтин медаллар билан юртимизга қайтишди.

Шунингдек, Қозоғистон ва Қирғизистонда ўтказилган халқаро турнирда иккита гуруҳ бўлиб иштирок этган 2008 йилда туғилган футболчиларимиз ҳам чемпионликни нишонлашди.

Суперлига ва Пролига клублари мактаблари ўртасида бўлиб ўтган Республика тайёрлов гуруҳлари мусобақасида 2006 йил туғилган футболчиларимиз олтин медалларни қўлга киритиб Республика чемпиони бўлишди.

Шу муносабат билан "Локомотив" - "Пахтакор" учрашувининг танаффус пайтида ёш чемпионларни тақдирлаш маросими бўлиб ўтди. Бунда "Локомотив" ПФК Бош директор ўринбосари Тўлабек Акрамов футболчиларимизга бош соврин кубокни топширди. Ўйлаймизки, келажакда ушбу ёшлардан ҳам "Локомотив"нинг асосий таркибига муносиб футболчилар етишиб чиқади.

"Локомотив" ПФК матбуот хизмати.