"Челси" Тюрамни январда сотиб олмоқчи

Лондон клуби 25 ёшли франциялик ҳужумчини январь ойидаёқ сотиб олишга тайёр.

Тюрамнинг Менхенгладбахнинг "Боруссия" клуби билан шартномаси мавсум охиригача амал қилади. Аввалроқ футболчига "Манчестер Юнайтед", "Интер" ва "Бавария" клублари қизиқаётгани ҳақида хабар қилинганди.

Маркус жорий мавсум Бундеслигада 15 та ўйинда майдонга тушиб, 10 та гол урди ва 3 та голли узатмани амалга оширди.

2022 йилги жаҳон чемпионатида у 5 ўйинда 2 та голли пас берди.