“Челси” трансферларга яна € 280 млн сарфламоқчи
25 июл 2017 03:35
Новости

“Челси” трансферларга яна € 280 млн сарфламоқчи

Лондоннинг “Челси” клуби раҳбарияти жорий мавсумлар оралиғидаги трансферлар учун яна 280 миллион евро сарфламоқчи.

Telegraph нашрининг хабар беришича, “Челси” бош мураббийи Антонио Конте ўз жамоасида “Ювентус” ҳимоячиси Алекс Сандро, “Суонси Сити” ҳужумчиси Фернандо Льоренте, “Интер” ярим ҳимоячиси Антонио Кандрева ҳамда “Саутгемптон” ҳимоячиси Виржил ван Дейкни кўрмоқчи.

Нашр берган хабарга кўра, Алекс Сандронинг трансфери ушбу харидлар орасида энг муҳими экан. “Ювентус” ўз ҳимоячисини 67 миллион еврога сотишга тайёр.

Маълумот учун, “Челси” бугунгача “Реал” ҳужумчиси Альваро Мората, “Рома” ҳимоячиси Антонио Рюдигер ҳамда “Монако” ярим ҳимоячиси Тьемуа Бакайокони ўз сафига қўшиб олди.

Ссылка :

Получайте новости прямо в Telegram!

Рейтинг: +1