"Челси": Моуриньо жамоамиз тарихидаги энг яхши мураббий

"Жозе Моуриньо билан ҳар иккала томоннинг ўзаро келишуви асосида шартномани бекор қилдик. "Челси"даги барча Жозега ўз миннатдорчилигини билдиради. Моуриньо жамоа тарихидаги энг яхши мураббий саналади. Жозе билан жамоамиз Англия чемпионатида уч бор ғолиб чиқди, Англия суперкубоги, Англия лига кубогини уч маротаба қўлга киритганмиз. Клуб тарихида ҳали ҳеч бир мураббий бу каби катта муваффақиятларга эришмаган.
Жозенинг истеъфосига сабаб, жамоанинг ушбу мавсумдаги натижалари бўлди. Шу боисдан ҳар иккала тараф учун ҳам шартномани бузиш яхши вариант бўлди.
Шуни алоҳида қайд этиш лозимки, клубимиз Жозе Моуриньо билан ҳайрлашаётган бўлсада ўртадаги илиқ муносабатни сақлаб қоламиз. Жозе клубимизда доимо ҳурматли ва севимли мураббий бўлиб қолади. Жозени "Стэмфорд Бридж" доимо илиқ кутиб олишга тайёр. Клуб раҳбарияти эндиги эътиборни ҳозирги мавжуд таркибнинг бор потенциалидан унумли фойдаланишга қаратади. Янги бош мураббий тайинланмагунга қадар бу ҳақида бошқа изоҳ бермай турамиз", - дейилади хабарда.