“Челси” ҳимоячиси ва Лэмпард ўртасида низо келиб чиқди

“Аристократлар” устози Фрэнк Лэмпард ва ҳимоячи Маркос Алонсо ўртасида низо юзага келган. АПЛ 3-тури доирасида ўтган “Вест Бромвич”га қарши учрашувнинг танаффуси вақтида Алонсо захирага олинди ва у ўйин тугашини кутмасдан жамоа автобусига бориб ўтирган. Унинг бу ҳаракати Лэмпарднинг жаҳлини чиқарган.

Эслатиб ўтамиз, “Вест Бром”га қарши баҳснинг 1-бўлимида “Челси” 0:3 ҳисобида имкониятни бой бераётган эди. Аммо Фрэнк Лэмпард шогирдлари кейинги таймда мувозанатни ўнглаб, натижани 3:3 кўринишга келтиришди.

Қайд этилишича, энди Алонсо мунтазам ўйин амалиётидан айрилиш эҳтимоли мавжуд.