“Цементчи” тайёргарликни январдан бошламоқчи
27 ноя 2015 07:00
Новости
![](https://championat.asia/upload/storage/189881_original.jpg)
![](/upload/storage/189881_220.jpg)
“Цементчи” тайёргарликни январдан бошламоқчи
Жамоанинг бу йилги иштирокидан раҳбарият ва мураббийлар штабининг кўнгли тўлган. Энди декабрь ойининг иккинчи ярмида клуб учун мавсум якунига бағишлаб ва янги йил байрами муносабати билан зиёфат дастурхони ёзилади.
Айтишларича қувасойликлар келаси мавсумга январь ойидан тайёргарликни бошлайди. Ҳозирча жамоа кучлилар сафига чиқишга шошилаётгани йўқ. Энг аввало мураббийлар штаби мустаҳкам пойдевор қўйишни режалаштирган. Сўнгра якдил жамоа тузиб, элита йўлланмаси учун курашиш ниятида.
Таркибдаги ўзгаришлар ҳозирча юз бергани йўқ. Фақатгина вилоятнинг бош жамоаси “Нефтчи”дан ижара асосида олинган Алишер Файзуллаев, Нодирхон Камолов ва Жаҳонгир Дадабоев сингари ўйинчилар яна ўз клубига қайтади. Қолган футболчилар хусусида ҳозирча тайинли гап айтиш қийин. Ҳаммасига йиғин бошлангач ойдинлик киритиб борилади. Дарвоқе, “Цементчи” ҳар йили ўтказиб келинадиган анъанавий турнир – Ҳоким Кубогида иштирок этишни ўз режасига киритган. Шунингдек Тошкентда ўтказиладиган ПФЛ Кубогида ҳам қатнашиши кутилмоқда.
Похожие новости
![AMP Logo](https://championat.asia/image/logo-amp.png)
Комментарии