"Бухоро" устози: "Илк 25 дақиқаликка психологик тайёр эмас эдик"
10 авг 2019 23:50
Новости

"Бухоро" устози: "Илк 25 дақиқаликка психологик тайёр эмас эдик"

Ўзбекистон Суперлигасининг 16-тур «Пахтакор» ҳамда «Бухоро» учрашувидан сўнг (5:0) ўтказилган матбуот анжуманининг биринчи қисмида меҳмонлар устози Муҳсин Муҳаммадиев қатнашди.

"Жамоамиз илк 25 дақиқаликда ўйинга психологик тайёр эмас эди. 50 метрдан тўп келаётган вақтда қўпол хатога йўл қўйилди ва оқибатида биринчи гол юзага келди. Кейин эса жарима зарбаси ва шу билан барчаси якунланди. Майдон эгаларининг чемпионлик учун курашаётгани ҳамда бошқа омилларнинг таъсири биз учун аҳамиятли бўлмаслиги керак эди. Бироқ, бугун «Пахтакор» кучлироқ кўринди. Ўйинда яхши тайёргарлик кўргандик. Оддий хато ва шундан сўнг барчаси ўзгариб кетди. «Пахтакор» билан ўйинда хато қилиш керак эмас ахир. Ҳозир жамоамизга гол ура оладиган ҳужумчи етишмаяпти. Ҳаёт шу билан тўхтаб қолмайди, кейинги ўйинларга тайёргарлик кўришда давом этамиз. «Пахтакор»ни эса табриклаймиз", дея сўзларини якунлади Муҳаммадиев.

Ссылка :

Источник : championat.asia

Получайте новости прямо в Telegram!

Рейтинг: -22