"Бухоро" Эркинов ва Бердимуродов билан шартнома тузди

Машғулотлар кунига икки маҳалдан “НБУ-Осиё” стадионида ўтказилмоқда.  Асосан жисмоний тайёргарлик борасида иш олиб бораётган мураббийлар шу билан бирга таркибни кучайтириш мақсадида селекция ишларини ҳам кенг суръатда олиб бормоқда. Хусусан, бугун ҳам жамоа лагерига янги футболчи келиб қўшилди. Анқироғи, ўтган мавсум “Навбаҳор” шарафини ҳимоя қилган иқтидорли дарвозабон Асилбек Амонов жамоа машғулотларида иштирок эта бошлади.

Ўтган йили мазмунли ўйин кўрсатиб, маҳаллий ишқибозларнинг қалбидан жой олган ҳимоячи Артём Филипосян ва ярим ҳимоячи Саламат Қутибоев жорий мавсум ҳам “Бухоро”да қоладиган бўлди. Улар билан шартномалар узайтирилди. Бундан ташқари куни-кеча таркибга янги келиб қўшилган ҳимоячи Раҳматулло Бердимуродов ва ҳужумчи Шаҳбоз Эркинов билан ҳам расмий келишувга эришилиб, битим имзоланди.

Мураббийлар штабининг режасига кўра, 13 январь куни “Бухоро” Тошкент йиғинидаги илк назорат учрашувини ўтказади. Спарринг-рақиб сифатида Муборакнинг “Машъал” жамоаси билан келишувга эришилди.