Бурак Йилмаз 37 ёшида бутсаларини михга илди

37 ёшли туркиялик 2022 йилнинг ёзида Нидерландия клуби билан 5 йиллик шартнома имзолаган. У клубда икки йил футболчи сифатида, кейинги уч йилни эса мураббий сифатида ўтказиши керак эди.

Йилмаз аввалроқ "Антальяспор", "Бешиктош", "Фенербахче", "Галатасарой", "Трабзонспор", "Лилль" ва бошқа клубларда ўйнаган. Икки марта Туркия чемпиони, 5 марта Туркия Кубоги соҳиби бўлган. "Лилль" билан 2020/21 йилги мавсумда Лига 1'да ғолиб чиққан ва клуб таркибида мавсумнинг энг яхши футболчиси деб топилган.

У Туркия терма жамоаси таркибида 77 та ўйин ўтказиб, 31 та гол урган. Бу жамоа тарихида Ҳоқон Шукурдан (51 та) кейинги иккинчи натижа ҳисобланади.