"Бунёдкор"да жонингизни бериб ўйнашингиз керак" — Андрия Филипович ёки парвозга қилаётган янги "қалдирғоч"

Илёс Зейтуллаев шогирдлари Самарқандда "Динамо"дан устун келди. Захирадан майдонга тушган Андрия Филипович 2 та гол билан ғалабада асосий ишни бажарди. Тур якунларига кўра энг яхши футболчи бўлган Филипович сайтимизга фикрлари билан ўртоқлашди. 

Динамо Анвар Ҳоджимирзаев - 30', Анвар Ҳоджимирзаев - 70'

Суперлига. Тур 18 14/09/2024, 19:30 3 : 2 Завершен

Бунедкор Андрия Филипович - 49', Нажмиддин Нормурадов - 59', Андрия Филипович - 74'

45'

90'

13'  Хумоюнмирзо Иминов

30'  Анвар Ҳоджимирзаев

60'  Хумоюнмирзо Иминов (Санжар Шоахмедов)

60'  Маркос Кайк (Хислат Халилов)

70'  Анвар Ҳоджимирзаев

75'  Майкон Дуглас (Дильшод Рахматуллаев)

88'  Францис Нарх (Вохиджон Окбутаев)

23'  Темурходжа Абдухаликов

46'  Луис Качорри (Андрия Филипович)

49'  Андрия Филипович

59'  Нажмиддин Нормурадов

68'  Асадбек Рахимжонов

74'  Андрия Филипович

75'  Амир Туракулов (Фране Чирьяк)

90'  Асадбек Рахимжонов (Расул Юлдашев)

Открыть в Матч-Центре

— "Динамо" билан осон ўйин бўлгани йўқ. Ғалаба учун майдонда боримизни беришимиз керак эди. Бошқачасига ютиб бўлмасди. Буларнинг барчасида мураббийлар ва жамоадошларимнинг ҳиссаси катта. Мураббийлар ўйинга яхши тайёрлашди. Ҳа, 2 та гол урдим. Бу жамоавий ҳаракатлар маҳсули. Мураббий танаффусда нималар дегани эсимда эмас. Лекин жамоага ёрдам беришим кераклигини тушуниб турган эдим. Ўйинни ютиш имкони борлигини билгандим. 

— Албатта, "Бунёдкор" фаолиятимдаги янги жамоа. Жамоада яхши футболчи, мураббий ва ходимлар жамланган. "Динамо"га қарши ўйинда ҳам аҳил жамоа эканлигимиз сезилди. Мавсум якунида қилган ишларимиз самарасини беради деб ўйлайман. 

— Ўзбекистон чемпионати ҳақида бироз маълумотга эга эдим, чунки "Бунёдкор"даги Тони Йович, Марин Любич билан алоқаларим бор эди. Суперлига даражаси Қозоғистондаги каби. Туркияда ўзбек клубларига қарши ўйнаганимда тезкор ва техник жиҳатдан кучли эканлигига гувоҳ бўлгандим. Ҳозир кўряпманки бу ерда пастдаги жамоа ҳам юқоридагисини ютиб қўйиши мумкин. Асосий фарқ шуки, барча майдонлар табиий. Шу боис бу ерда хотиржам футбол ўйнай оласиз. Мен учун устун томони майдонларда бўлди. 

— "Бунёдкор"га мослашиш кўп вақт талаб этмади. Қозоғистонда ўйнаганим учун бу ерда тез ўрганиб кетдим. Бунда мураббийлар, футболчилар, раҳбарият ўз ёрдамини берди. Уларга раҳмат айтаман. Мендан фақат майдонда боримни беришим ва максимал ҳаракат қилишим талаб этилади. Умуман мураббийлар биздан шуни исташади. Ҳар бир ўйинда футболчи борини бериши керак.