“Бунёдкор” январь ойида БААда йиғин ўтказади

Бугун “қалдирғочлар” дастлабки йиғин доирасида “Насаф”га (1:1) қарши назорат баҳси ўтказди. Мазкур йиғин доирасида Абрамов жамоаси 30 декабрь куни “Локомотив” билан ҳам назорат беллашуви ўтказишни режалаштирган. “Локо”га қарши ўтказиладиган назорат учрашувидан кейин Абрамов футболчиларга янги йил байрами муносабати билан қисқа таътил беради. 

Янги йилда эса жамоа янги мавсумга тайёргарликни давом эттириш учун хорижга йўл олади. Иккинчи йиғин БААда ташкил этилиши кутилмоқда. Бу ҳақда жамоа бош мураббийи Вадим Абрамов сайтимиз мухбири Абдулазиз Искандаровга маълум қилди. БААдаги йиғин доирасида “Бунёдкор” қатор назорат ўйинларини ўтказишни мўлжалламоқда.