“Бунёдкор” директори Шерзод Ҳақбердиев клуб мухлислари билан учрашди

Учрашувда мухлислар клубининг бу йилги режалари, фаолияти муҳокама қилинди. Шунингдек, мухлислар клуби аъзоларини қийнаётган саволлар, муаммолар кўриб чиқилди. Уларни ҳал қилиш бўйича режа ишлаб чиқилди.

Клуб ташкил топган кундан бошлаб “Бунёдкор” мухлислар учун ўйнайди” шиори остида фаолият юритиб келади. “Бунёдкор” ҳеч қачон ўз мухлисларини эътиборсиз қолдирмаган ва албатта содиқ ишқибозларимиз ҳам суюклиларини ёлғиз ташлаб қўймаган. Шерзод Муродович ишқибозларга юзланиб, “содиқ мухлисларимиз бор экан биз ўз анъаналаримиз ва шиоримизга содиқ қолаверамиз”, - дея раҳбарият ҳар доим уларни қўллашини маълум қилди.