“Бунёдкор” бир кунда иккита ўйин ўтказди

Даставвал Латвия Даугава клуби билан куч синашилди. Сергей Лушан ушбу баҳсга деярли ёшроқ таркибни майдонга туширди. Лекин баҳс Латвиянинг етакчи клуби фойдасига ҳал бўлди – 2:0.

“БУНЁДКОР” (Ўзбекистон) – “ДАУГАВА” (Латвия) 0:2
“Бунёдкор” таркиби: Муроджон Зухуров, Дилёрбек Ирматов, Анвар Ғофуров, Хайрулла Каримов, Обид Жўрабоев, Дилшод Жўраев, Миржамол Қосимов, Отабек Шукуров, Забихилло Ўринбоев, Анвар Бердиев, Темур Аюпов

“Бунёдкор” – “Даугава” баҳси якунланиши биланоқ орадан ҳеч қанча вақт ўтмасдан худди шу майдонда иккинчи учрашув бошланди. Унда “Бунёдкор” Луганскнинг “Заря” жамоаси билан куч синашди. Украина чемпионатиинг биринчи даврасидан сўнг 5-поғонасини банд этиб турган жамоага қарши баҳс жудаям қизиқарли ўтди. Айтиш мумкинки, ушбу баҳс ҳар иккала томон учун фойдали бўлди. “Бунёдкор” – “Заря” қарама-қаршилигида кучлар тенг келди – 1:1. “Қалдирғочлар”нинг голига Сардор Рашидов муаллифлик қилди.

“БУНЁДКОР” (Ўзбекистон) – “ЗАРЯ” (Украина) 1:1 (0:0)
Голлар: Сардор Рашидов 51 (1:0), Желько Любенович 56 пенальти (1:1)
“Бунёдкор”: Павел Бугало, Иван Милошевич, Акрамжон Комилов, Акмал Шораҳмедов, Жавлон Иброхимов, Самир Бекрич, Минори Сато, Сардор Рашидов, Шакер Зуаги, Мирзохид Ғофуров, Артём Филипосян
Захирадан майдонга тушганлар: Муроджон Зухуров, Достонбек Ҳамдамов, Воҳид Шодиев, Элдор Шомуродов