“Бунёдкор-2002” Хитойдаги турнир финалига чиқди

Бугун мусобақанинг U-15 тофиасида финалчилар маълум бўлди.

Сергей Чигодаев ва Тимур Бобохонов бошчилигидаги “Бунёдкор-2002” жамоаси Индонезия U-15 термаси билан куч синашди. Қизиқарли кечган баҳсда бунёдкорчилар Жасурбек Жалолиддиновнинг 21-дақиқада киритган ягона голи эвазига ғалаба қозондилар ва финал йўлланмасига эга чиқдилар.

Қайд этиш керакки, финал йўлланмасининг қўлга киритилишида жамоамиз посбони Мўминмирзо Қодиров ва ҳужумчи Жасурбек Жалолиддиновнинг каттагина ҳиссаси бўлди.

"Бунёдкор"нинг индонезияликларга қарши учрашувдаги таркиби қуйидагича бўлди:
Мўминмирзо Қодиров, Қуддусбек Аъзамов, Сардор Абдурашидхўжаев, Жалолиддин Содиқов, Аббос Аширалиев, Абдурауф Бўриев, Диёрбек Рахимқулов, Мироншох Сатторов, Фарруҳбек Мухторов, Жасурбек Жалолиддинов, Отабек Жўрақўзиев
Захира: Харин Глеб, Жасурбек Абдулбеков, Хусниддин Убайдуллаев, Сарвар Шарипов, Икром Эркинов, Любомир Бондаренко, Бўронбек Мирзасалимов

“Gothia Cup 2017” турнирининг U-15 ёш тоифаси финали эртага “Бунёдкор” ва Хитойнинг “Ўримчи” жамоалари ўртасида кечади.

"Бунёдкор-2002" сардори Абдурауф Бўриев ҳакамлари ва Индонезия жамоаси сардори билан

Индонезия жамоаси футболчилари "Бунёдкор-2002" дарвозабони Мўминмирзо Қодировга учрашув давомида бир қанча жароҳатлар етказишди

Ягона голи билан "Бунёдкор-2002"ни финалга олиб чиққан Жасурбек Жалолиддинов ўз қувончини мана шундай изҳор қилди

Финалда ҳам омад, йигитлар!