Бугун Шевченко бошчилигидаги Украина Италия билан ўйнайди

Италия терма жамоаси сўнгги йилларда жуда кучли инқирозни бошдан кечирмоқда. Ўз вақтида Италиянинг "Милан" клуби сафида ажойиб ўйинлар ўтказган Андрей Шевченко энди мураббий сифатида ушбу юртга ташриф буюради.

Роберто Манчини бошчилигидаги "Скуадра Адзурра" сафида бир қатор йўқотишлар бор. Ҳимоячилар Алессио Романьоли, Данило Д'Амброзио ва ҳужумчи Патрик Кутроне Генуядаги ўйинда майдонга тушишмайди. Мураббий уларнинг ўрнига Кристиано Пиччини ва Лоренцо Тонеллини чақирди.

Шевченко жамоасида ҳам битта йўқотиш бор. Йиғин доирасида Артем Беседин жароҳат олди ва унинг ўрнига Артем Кравец терма жамоага чақирув олди.


Италия — Украина
Чоршанба, 10 октябрь, 23:45, Генуя, "Луиджи Феррарис" стадиони.
Бош ҳакам — Раде Обренович (Словения).

ТАХМИНИЙ ТАРКИБЛАР

Италия: Доннарумма — Лаццари, Кальдара, Кьеллини, Кришито — Кристанте, Жоржиньо, Бонавентура — Дзадза, Иммобиле, Кьеза

Украина: Бойко — Караваев, Кривцов, Пластун, Матвиенко — Степаненко, Малиновский — Цыганков, Марлос, Зинченко — Яремчук

ЎЙИНДАН ОЛДИНГИ ФИКРЛАР

Роберто Манчини:

“Биринчи мақсадимиз – стадионга келадиган Генуя аҳолисини хурсанд қилиш. Умид қиламанки, жамоа бу вазифани бажара олади”.

Андрей Шевченко:

“Бизга қарши ўйнаш оғир. Агар тўпни назорат қила бошлсак буни профессионал тарзда бажарамиз. Агар рақибларимиз прессинг қилишса гол уриш учун бизда имконият пайдо бўлади. Бу терма жамоа учун плюс”.