Бугун Рашидов ва Раҳматуллаев янги клублари сафида дебют қилишлари мумкин
13 сен 2015 15:54
Новости

Бугун Рашидов ва Раҳматуллаев янги клублари сафида дебют қилишлари мумкин

Бугун икки нафар ҳамюртимиз янги клублари сафида дастлабки расмий ўйинда майдонга тушишлари кутилмоқда.

Ёзда Қатарнинг "Ал Жайиш" клубига кўчиб ўтган Сардор Рашидов бугун Қатар юлдузлар лигасида илк учрашувини ўтказиши мумкин. Куни кеча старт олган янги мавсумдаги дастлабки ўйинни "Жайиш" айнан бугун ўз майдонида "Ал Аҳли" клубига қарши баҳс билан бошлайди. Сабри Лямуши бошчилик қилаётган "Ал Жайиш"нинг ўйини Тошкент вақти билан соат 22:15да старт олади.

Ўтган ҳафтада "Навбаҳор"дан Озарбойжоннинг "Раван" клубига ўтган Алибобо Раҳматуллаев ҳам бугун ўзининг янги клубида дебют қилиши мумкин. Бугун "Раван" клуби Озарбойжон чемпионатининг 4-тури доирасида ўз уйида Бокунинг "Нефтчи" клубини қабул қилади. Баҳс Тошкент вақти билан соат 21:00да бошланади. Ҳозиргача бўлиб ўтган 3та ўйинда "Раван" 2та дуранг ва 1 мағлубият қайд этган.

Ссылка :

Получайте новости прямо в Telegram!

Рейтинг: +3