Бугун немисча "Эл-Классико" (+жонли эфир)
14 авг 2016 15:01
Новости

Бугун немисча "Эл-Классико" (+жонли эфир)

Бугун "Бавария" ҳамда Дортмунднинг "Боруссия" клуби ўртасида Германия Суперкубоги учун баҳс бўлиб ўтади.

"Бавария" бу учрашувда Бундеслига чемпиони ҳамда Германия Кубоги соҳиби сифатида иштирок этади. Дортмунд клуби эса ўтган мавсум Германия чемпионатининг вице-чемпиони бўлгани туфайли, бу соврин учун баҳсда майдонга тушади.

Ушбу Суперкубок учун баҳс 17-маротаба ўтказилмоқда. Бу совринни қўлга киритиш бўйича дортмундликлар энг яхши натижага эга. "Борусси" Суперкубок баҳсларида 7 маротаба иштирок этиб, уларнинг 5 тасида зафар қучган. Ушбу совринни қўлга киритиш бўйича кейинги ўринларни "Бавария" (9 та ўйин, 5 та ғалаба), "Вердер" (4 та ўйин, 3 та ғалаба), "Кайзерслаутерн" (3 та ўйин, 1 та ғалаба) ва бошқалар эгаллаб турибди. Бу совриннинг амалдаги соҳиби "Вольфсбург" ҳисобланади. "Бўрилар" ўтган йили Суперкубок учун баҳсда "Бавария"ни пенальтилар сериясида мағлуб этган эди.

Бугунги учрашув "Боруссия"нинг уй стадиони ҳисобланмиш "Сигнал Идуна Парк" аренасида бўлиб ўтади. Ўйин Тошкент вақти билан 23:30да бошланади.

Трансляция

"Бавари" ҳамда "Боруссия" ўртасидаги Германия Суперкубоги учун баҳсни ҳамкоримиз "Aleziya.com" сайтининг "Setanta Sports+" канали орқали томоша қилишингиз мумкин. Трансляция 23:25дан бошланади. Эслатиб ўтамиз, "Aleziya.com" сайтида 2 та канал бор (Setanta Sports ва Setanta Sports+). Фақат "Setanta Sports+" канали Германия Суперкубоги учрашувини жонли эфирда кўрсатади.