Бугун немис академияси раҳбарлари Тошкентга ташриф буюради

Мазкур академиянинг раҳбарлари, Ўзбекистонда болалар футболи билан яқиндан танишиш мақсадида бугун Тошкентга учиб келадилар. Делегация икки кишидан иборат. Академия раҳбари Эльфи Ферншилд хоним ва катта мураббий Саша Ротер. 

Академия, Ўзбекистонга "Shosh contact travel" сайёҳлик фирмасининг ташаббуси билан ташриф буюряпти. "Shosh contact travel" ва "championat.asia" сайти билан ҳамкорликда, академияни ўзбекистонлик болалар учун ҳам ўз дастурини тақдим этиши режалаштирган.

Эртага меҳмонлар "Бунёдкор" академиясига ташриф буюрадилар. Сафар давомида улар, Самарқанддаги тарихий ёдгорликларни томоша қилишлари кўзда тутилган. Ундан ташқари, Германиянинг Тошкентдаги элчихонасида ҳам ҳамкорлик масалалари бўйича иш олиб борилади. 

7 кун давомида Ўзбекистонда бўладиган академия раҳбариятининг якуний фиклари билан сайтимизда чиқадиган интервьюда ўқишингиз мумкин бўлади.