Бугун футбол. "Қизилқум" - "Турон"
03 окт 2021 13:10
Новости

Бугун футбол. "Қизилқум" - "Турон"

Бугун бўлиб ўтадиган иккита ўйин билан Суперлиганинг 21-тур баҳсларига якун ясалади.

Навоийда "Қизилқум" Суперлига дебютанти "Турон"га қарши баҳс олиб боради. "Қизилқум" 28 очко билан 8-ўринда бораётган бўлса, "Турон" шу пайтгача 12 очко тўплаган ва мусобақа жадвалининг охирги ўрнини эгаллаб турибди.

Иккинчи давра бошланганидан бери ҳали ғалаба қозонмаган жамоа борми? Бор. Бу - "Қизилқум". Таркибга назар солсангиз, жуда кучли футболчилар йиғилган. Шунга қарамай, Ҳамиджон Актамов бошқарувидаги жамоа иккинчи давра старт олганидан бери 5та дуранг ва икки мағлубият қайд этди.

Шунинг учун бўлса керак, Ҳамиджон Актамов ҳар ўйиндан кейинги интервьюсида "Бизга битта ғалаба керак" деган гапни такрорлаяпти. Бугун "Қизилқум" ўз майдонида, бўлиб ҳам кучсиз жамоага қарши тўп тепишини инобатга олсак, балки иккинчи даврадаги илк ғалаба бўлар.

"Турон" иккинчи даврани сафарда "Қўқон-1912"га қарши дуранг билан бошлади ва ўз майдонида "Сўғдиёна"ни 1:0 ҳисобида мағлуб этди. Бироқ шундан сўнг яйпанликлар бешта ўйинда майдонга тушиб, ҳаммасида мағлубиятга учрашди. Лекин "Турон" бу ўйинларда "Локомотив", "Насаф", АГМК, "Навбаҳор" ва "Пахтакор" каби кучли жамоаларга қарши ўйнаганини унутмаслик лозим.

Кызылкум

Элгужа Григалашвили - 38', Элгужа Григалашвили - 71'

Суперлига. Тур 21

03/10/2021, 18:15

Завершен

Турон

Музаффар Музаффаров - 61'

45'

90'