Бугун футбол. "Пахтакор" ўзини Кубокдан чиқиб кетишга мажбур қилган "Насаф"ни қабул қилади
19 июн 2017 16:55
Новости
![](https://championat.asia/upload/storage/260102_original.jpg)
![](/upload/storage/260102_220.jpg)
Бугун футбол. "Пахтакор" ўзини Кубокдан чиқиб кетишга мажбур қилган "Насаф"ни қабул қилади
"Пахтакор" Ўзбекистон Кубоги баҳсларини "Насаф" туфайли тарк этди. "Насаф" биринчи ўйинни "Пахтакор" стадионида 3:0 ҳисобида ўз фойдасига ҳал қилгани кўпчиликнинг ёдида бўлса керак. Энди жамоалар олий лига ўйинида бир-бирларини синовдан ўтказишади.
Иккала жамоа ҳам мавсумни икки хил ўтказмоқда. "Насаф" 23 очко билан 2-ўринда бораётган бўлса, "Пахтакор" 18 очко тўплаган ва 8-ўринни эгаллаб турибди.
"Пахтакор" ҳозирча ўз майдонида бешта ғалабага эришган ва икки бор мағлуб бўлган. Тўплар нисбати 11-7. Жамоа ҳали дуранг ўйнамаган. "Пахтакор" уй беллашувларида 15 очкони қўлга киритган.
Биласизми? "Пахтакор" ўз майдонидаги охирги уч учрашувни ғалаба билан якунлади. Пойтахтликлар "Навбаҳор", "Бухоро" ва "Сўғдиёна"дан устун келишди. Қизиғи "Пахтакор" шу ўйинларда аввалига битта, кейин иккита, учинчисида учта гол урди.
"Насаф" ҳозирча сафарда еттита ўйинда майдонга тушган бўлса, шундан иккитасида ғолиб чиққан. Бердиев шогирдлари сафарда "Қўқон-1912" ва "Шўртан"дан устун келишган. Шунингдек, иккита ўйинда дуранг ва уч марта мағлубият қайд этилган.
Биласизми? "Насаф" кетма-кет беш ўйиндан бери сафарда ғолиб чиқа олмаётганди, бироқ ўтган турда жамоа "Шўртан"ни мағлуб этиб қайтди.
![AMP Logo](https://championat.asia/image/logo-amp.png)
Комментарии