Бугун Европа чемпионлар лигаси ва Европа лигаси ярим финалига қуръа ташланади
21 апр 2017 08:05
Новости

Бугун Европа чемпионлар лигаси ва Европа лигаси ярим финалига қуръа ташланади

ЕЧЛ ва Европа лигаси чорак финал баҳслари якунига етди ва ярим финалчилар номи маълум бўлди.

Чемпионлар лигасида ярим финал жуфтликларини аниқлаш учун қуръа ташлаш маросими 21 апрель куни Тошкент вақти билан соат 15:00да бошланади.

Қуръа жараёнида ҳеч қандай чекловлар бўлмайди, яъни исталган клубга исталган клуб рақиблик қилиши мумкин. Бундан ташқари эртага финалда қайси жуфтлик ғолиби расмий мезбон бўлиши ҳам аниқлаб олинади.

Ярим финалга чиққан тўрт клуб:
"Монако" (Франция)
"Реал Мадрид" (Испания)
"Атлетико" (Испания)
"Ювентус" (Италия)

Ярим финалнинг дастлабки баҳслари 2-3 май, жавоб учрашувлари 9-10 май кунлари бўлиб ўтади.

Европа лигасига қуръа ташлаш маросими эса 21 апрель куни Тошкент вақти билан соат 16:00да бошланади. Қуръа жараёнида ҳеч қандай чекловлар бўлмайди, яъни исталган клубга исталган клуб рақиблик қилиши мумкин. Бундан ташқари эртага финалда қайси жуфтлик ғолиби расмий мезбон бўлиши ҳам аниқлаб олинади.

Ярим финалга чиққан тўрт клуб:
"Аякс" (Голландия)
"Лион" (Франция)
"Манчестер Юнайтед" (Англия)
"Сельта" (Испания)