RU

Последние новости

22:18Суперлига. “Сурхон” мавсумдаги илк ғалабасини 9 киши бўлиб қолган “Қўқон-1912” устидан қўлга киритди   43 22:09Саудия Арабистони. "Ал Ҳилол" - "Ал Насср" учрашуви асосий таркиблари маълум!  2 21:57Улуғбек Бакаев: "Бунёдкор" ғалабани кўпроқ истаган шекилли, омад уларга кулиб боқди"  4 21:43Карло Анчелотти: "Мбаппе билан ҳужумимиз кучайди, бироқ..."  2 21:16Рубен Аморим: "Мен келаси йилдаёқ АПЛни ютамиз демаганман"  2 20:49Ислом Исмоилов: "Хитойга қарши ўйин осон ўтмайди"  3 20:22"Реал"нинг март ойидаги энг яхши футболчиси эълон қилинди  4 19:55Суперлига. "Бунёдкор" "Бухоро"ни мағлуб этди ва пешқадамга айланди  30 19:51Англия Кубоги ярим финалининг тақвими тасдиқланди. "Манчестер Сити" учрашуви қайси вақтда бошланади?  6 19:30Эшпириту Санту ушбу мавсумда 3-марта АПЛда ойнинг энг яхши мураббийи деб топилди  0 19:06ЎФА ва "Локомотив" Равшан Муқимовни тақдирлади  0 18:54Ўзбекистон Кубоги. "Хоразм ФА" ишончли ғалабага эришди, "Лочин" "Дўстлик" билан ўйинда камбэк қайд этиб, Суперлига жамоалари билан тўқнаш келадиган бўлди  2 18:14"Барса" яна молиявий муаммолар гирдобида: клуб Ямални сақлаб қолиш учун Араухони сотишга мажбур  37 17:45"Ливерпуль" ва "Челси" испаниялик футболчи трансфери учун курашга киришмоқда  1 17:04Нодирбек Абдураззоқов: "ОКМКни мавсум бошида ҳеч ким эсламайди, бу ҳолат менга ёқмайди"  1

Бугун ЕЧЛ қуръаси. Янги формат ва қуръа механизми қандай? Новости

Бугун ЕЧЛ қуръаси. Янги формат ва қуръа механизми қандай?

Бугун Монакода Европа Чемпионлар Лигасининг янги мавсумига қуръа ташланади.

Янги мавсумдан УЕФА Еврокубоклар форматини ўзгартиришга қарор қилди. Энг катта ўзгариш биз ўрганиб қолган гуруҳ босқичи ўрнига лига босқичининг ташкил қилингани бўлди. Қуйида ЕЧЛнинг янги формати ва бугун бўладиган қуръа ҳақида сўз боради.


Лига босқичи

УЕФА Европа чемпионлар лигасининг янги форматини эълон қилганди. Мусобақада ушбу мавсумдан бошлаб 36 та жамоа иштирок этади (авваллари 32 та жамоа эди). Биз ўрганиб қолган гуруҳ босқичи ўйинлари ўтмишда қолди. Ушбу мавсумдан бошлаб ЕЧЛ мусобақаси энди лига босқичидан бошланади. Лига босқичида барча жамоалар битта жадвалда жойлашишади. Янги тизимга кўра ҳар бир жамоа лига босқичида саккизта турли хил рақибга қарши майдонга чиқади. Жамоалар саккизта ўйиннинг тўрттаси меҳмонда, қолган тўрттаси эса ўз уйларида ўтказишади. Рақиблар ва ўйинларнинг қаерда ўтказилиши махсус қуръа орқали аниқланади. Бу ҳақида бироз кейинроқ.


Плей-офф босқичига кимлар йўлланма олади?

- Лига босқичида энг юқори ўринни эгаллаган саккизта жамоа тўғридан-тўғри ЕЧЛ нимчорак финал босқичига йўл олади. 

-  9-16 ўринни эгаллаган жамоалар нимчорак финал йўлланмаси учун 17-24 ўринни эгаллаган клубларга қарши тўқнаш келади. Бу баҳслар иккита ўйиндан иборат бўлади ва 9-16 ўринни эгаллаган жамоалар жавоб баҳсини ўз уйларида ўтказишади. Саккизта ғолиб нимчорак финалга йўл олади. Бу жамоаларнинг рақиблари Лига босқичида дастлабки саккизта ўринни эгаллаган клублар бўлади. 

- 25-36 ўринни эгаллаган жамоалар ЕЧЛни тарк этишади. Бу жамоаларга Европа Лигасида иштирок этиш имконияти берилмайди.

Нимчорак финал босқичидан мусобақа анъанавий тарзда давом эттирилади.


Қуръа механизми

36 та жамоа УЕФА рейтингидаги ўрнига қараб 9 тадан тўртта саватга бўлинади. Ҳар бир танланган шарча ичидаги клубга махсус компьютер 8 та рақибни аниқлаб беради. Қуръа биринчи саватдан (кучлироқ клублардан) бошланади.  Биринчи саватчадаги 9 та кучлироқ клуб ўзининг саккиз нафар рақибини биринчи бўлиб билиб олади.  Замонавий технология уй ва сафар ўйинларини ҳам ўзи белгилаб беради. 

Жамоалар қайси саватда жойлашганини қўйида кўришингиз мумкин:


Қуръа жараёнида қуйидаги қоидаларга амал қилинади:

1. Ҳар бир жамоа битта саватдан иккитадан рақибга қарши тўқнаш келади. Бир саватдан бўлган рақибларнинг биттаси билан уйда, иккинчиси билан сафарда ўйин ўтказилади.

2. Бир мамлакат жамоалари ўзаро тўқнаш келишмайди.

3. Битта мамлакатдан кўпи билан иккита рақиб бўлиши мумкин.


Махсус компьютер қуйидаларни кафолатлайди:

1. Дастурий таъминот қуръа тўлиқ тасодифий равишда ўтишини кафолатлайди.

2. Компьютер қуръа қоидаларига тўлиқ амал қилади (битта давлат вакилини ўзаро тўқнашмаслиги, бир мамлакатдан кўпи билан иккита рақиб)

3. Қуръа боши берк кўчага кириб қолмайди. 

Жамоалар қуръа натижаларини маросим якунида билиб олишади. Бироқ, ўйинлар санаси ва бошланиш вақти тақвимдаги муаммоларни олдини олиш мақсадида 31 август куни эълон қилинади.

Эслатиб ўтамиз, лига босқичига қуръа ташлаш маросими Тошкент вақти билан 21:00 га белгиланган. Жараён тарихда биринчи марта компьютер иштирокида амалга оширилади.

Рейтинг: -9   

Комментарии

championat.asia
< посмотреть последние новости
Яндекс.Метрика