Бугун, душанба ва сешанба кунлари Кубокнинг 1/8 финал дастлабки учрашувлари ўтказилади

Эртага, душанба куни бешта ўйин тақвимга киритилган. Марказий баҳс Тошкентда "Пахтакор" ва "Насаф" клублари ўртасида кечади ва жавоб ўйинидан сўнг Кубокка даъвогар қайсидир клуб мусобақани тарк этади.

Бундан ташқари, эртага "Бунёдкор" Ғузорда "Шўртан" меҳмони бўлади. Хабарингиз бор, олий лига баҳсида ғузорликлар "Бунёдкор"ни 1:0 ҳисобида мағлуб этишганди. Кубок ўйинида ҳам шиддатли баҳс гувоҳ бўламизми-йўқми, буни эртага билиб оламиз.

Сешанба куни эса иккита ўйин белгиланган. Яқинда ўз майдонида "Қизилқум"ни 2:0 ҳисобида мағлуб этган "Локомотив" яна шу жамоани қабул қилади. "Навбаҳор" эса водий дербисида "Нефтчи" меҳмони бўлади. Кубок учрашуви дерби мақомига лойиқ бўлиши учун иккала жамоадан ҳам яхши футбол кутиб қоламиз.

Ўзбекистон Кубоги. 1/8 финал. Дастлабки учрашувлар

21 май (якшанба)
17:00 - «Ёзёвон-Лочинлари» - «Машъал»
Ҳакам: А. Эргашев (Тошкент).

22 май (душанба)
18:30 - «Бухоро» – «Сўғдиёна»
Ҳакам: Р. Эрматов (Тошкент)

17:30 - «Қўқон-1912» – «Металлург»
Ҳакам: А. Раҳимов (Андижон).

19:00 - «Пахтакор» – «Насаф»
Ҳакам: В. Цейтлин (Тошкент).

18:00 - «Динамо» – «Олмалиқ»
Ҳакам: Ҳ. Рўзиев (Тошкент).

18:30 - «Шўртан» – «Бунёдкор»
Ҳакам: Р. Бобомуродов (Навоий).

23 май (сешанба)
18:45 - «Локомотив» – «Қизилқум»
Ҳакам: Б. Намозов (Тошкент).

18:00 - «Нефтчи» – «Навбаҳор»
Ҳакам: И. Танташев (Бухоро).