RU

Последние новости

16:02Станислав Черчесов: "Ўзбекистонни умуман билмайдиган ва кўп нозик жиҳатлардан бехабар чет эллик мураббийнинг дарҳол натижа келтиришига ҳеч ким кафолат бера олмайди"  4 16:01"Байер" ва "Фенербахче" бош мураббийлик учун Постекоглу номзодини илгари сурмоқда  0 15:34Туркия клуби яқин кунларда Онанани ижарага олмоқчи  2 15:06ФИФА ЖЧ-2026 чипталарининг бошланғич нархини белгилади  3 14:38Россия – Иордания учрашувини ўзбекистонлик ҳакамлар бошқаради  4 14:11Бундеслига юлдузи трансфер ойнасининг сўнгги кунида МЮ таклифини рад этгани маълум бўлди  2 13:43Нагельсманн Германиянинг ЖЧ-2026даги мақсадини айтди  5 13:17Қозоғистондагилар "Реал" билан ўйин чиптаси билан боғлиқ фирибгарликлардан хавотирда  1 12:49Мажлис келишилган ўйинлар масаласини кўтарди  5 12:21Бенту қўлдан чиқди, навбат Гжегож Бржэнчшчикиевичга  94 12:00Анчелотти Неймарнинг Бразилия термасига нега чақирилмаганини изоҳлади  2 11:34Аргентина терма жамоаси собиқ бош мураббийи Бразилияда иш бошлади  2 11:13 Н'Голо Канте "Париж"га ўтиши мумкин эди  1 10:50Ислом Исмоилов: "Шогирдларим рақиб ким эканлигига қарамай ҳужумкор ўйин кўрсатишга интилишди"  13 10:30"Муҳсин, биз сен билан!"– Самарқандда ўзбек футболи юлдузлари иштирокида хайрия учрашуви ўтказилади  14

"Бу - мақсадлари юқори "Андижон". Легионерга айланишдан кўра мухлислар тўла стадионда ўйнашни истадим" — "Бургутлар"нинг янги қалқони нималар деди? Новости

"Бу - мақсадлари юқори "Андижон". Легионерга айланишдан кўра мухлислар тўла стадионда ўйнашни истадим" — "Бургутлар"нинг янги қалқони нималар деди?

Ўтган мавсумни кўтаринки кайфиятда якунлаган "Андижон" жамоаси аллақачон таркибни кучайтириш ишларини бошлаб юборди.

Кеча клуб ўзининг лимитдан ташқари дастлабки трансферларини эълон қилди. Дарвоза чизиғидаги рақобатни мустаҳкамлаш учун ОКМК кипери Валижон Раҳимов таклиф этилди. Биз эса унинг янги жамоаси ҳақидаги фикрлари билан қизиқдик.

- 5 йиллик фаолиятингиздан сўнг Олмалиқни тарк этдингиз. ОКМК янги даражага чиқишингизга туртки бўлдими? 

- Аллоҳга шукурки, Олмалиқда ўтказган 5 йилим жуда завқли ва эсда қоларли онларга бой бўлди. Ажойиб ҳиссиётларни сўз билан таърифлаб бера олмайман. Суперлигада, ОЧЛда дебют қилдим. Терма жамоадан чақирув олдим.  Шу вақт мобайнида қўллаб-қувватлаган мухлислар, мураббийлар, раҳбарият ва жамоадошларимга катта раҳмат айтаман. Келгусида уларга улкан зафарлар тилаб қоламан. 

- Ўтган мавсумда ўйин амалиёти етарлича бўлмади. ОКМКдан кетиш учун асосий сабаб эдими ёки шунчаки муҳитни ўзгартиришми? 

- Тўғри, охирги мавсумда ўйин амалиёти кам бўлди дея оламан. Футболчи учун бу нарса муҳим аҳамият касб этади. Жамоамни ва муҳитни алмаштириш вақти келиб қолганди. Кетиш ҳақида ўйлаш ва бир қарорга келиш осон бўлгани йўқ. Лекин бу - футбол. Барча билан дўстона хайрлашиш ёқимли ҳисларни тақдим қилди. Ҳаммадан миннатдорман.

- "Андижон"нинг ОЧЛда ўйнаши танловнинг асосий факторига айландими?

- Сўнгги йилларда "Андижон"нинг мақсадлари юқорилади. Сезиларли даражада ўзгаришлар юз бермоқда. Раҳбарият билан гаплашдик, мураббийлар фикрини сўрадим. Бу янги жамоага ўтишимда ўз таъсирини ўтказмай қолмади. Менда бошқа жамоалардан таклифлар, қолаверса легионерга айланиш имконияти пайдо бўлганди. Аммо "Андижон"даги атмосфера, мухлислар тўла стадионда ўйнашни кўпроқ истадим. ОЧЛдаги қизиқарли учрашувлар ҳам ўзгача мотивация бериши шубҳасиз.

- "Андижон" ҳақида биласиз, кўп бор тўқнаш келгансиз. Бугунги жамоага қандай таъриф берасиз?

- Ҳозирги "Андижон" анча шаклланишга улгурди. Кейинги мавсумга жамоа ўзагини сақлаб қолган ҳолда таркиб яна кучайтирилиши кутилмоқда. Янги мавсумда мақсадлар юқори бўлади. Бу йўлда барчамиз бирлашиб ҳаракат қиламиз.

Автор : Iskandarov Abdulaziz
Рейтинг: +2   

Комментарии

championat.asia
< посмотреть последние новости
Яндекс.Метрика