Брайан Риаскос: "Ҳужумдаги исталган позицияда ўзимни қулай ҳис қиламан"
23 июн 14:10
Новости

Брайан Риаскос: "Ҳужумдаги исталган позицияда ўзимни қулай ҳис қиламан"

Суперлиганинг 13-туридан ўрин олган "Пахтакор" - "Қўқон-1912" (2:0) учрашувидан сўнг мезбонлар ҳужумчиси Брайан Риаскос ўз фикрлари билан ўртоқлашди.

– Бугунги ўйин ҳақида фикрингиз...

– Қийин ўйин бўлди, рақиб жамоа анча яхши ўйин кўрсатди, лекин биз ўз ўйинимиз орқали бир нечта голли вазиятларни ярата олдик. Гол урганимдан ва ғалаба қозонганимиздан жуда хурсандман.

Бирдамликда кучли рақибни енгишга муваффақ бўлганимиз учун бутун жамоани табриклайман. Шу жумладан, учрашув бошидан охиригача бизни қўллаб-қувватлаган мухлисларга ҳам миннатдорчилик билдириб қоламан.

– Жамоага келганингиздан бери сизни турли позицияларда кўрдик. Ўзингизни қайси позицияда яхшироқ ҳис қиласиз?

– Шахсан мен ҳужумдаги ҳар қандай позицияда – ўнгда ҳам, чапда ҳам, тўққизликда ҳам ўзимни қулай ҳис қиламан. Бу уч позициянинг ҳар бирида бемалол ўйнай оламан.

Ссылка :

Источник : championat.asia

Получайте новости прямо в Telegram!

Рейтинг: +3