Бранко Иванкович: "Кашима" Ғарб жамоаларига ўхшамайди"

"Биз финалга яхши тайёргарлик кўряпмиз. Бу ўйинга фақат тактик ҳозирликнинг ўзи камлик қилади, жисмонан ва руҳан ҳам кучли бўлишимиз керак. Бизда иштиёқ юқори ва бунинг учун футболчиларимни ҳурмат қиламан. Мен ҳаётимдаги энг яхши лаҳзаларни интиқлик билан кутяпман".

"Рақиб ҳақида нима дейишим мумкин? "Кашима Антлерс" кучли клуб, мен бу жамоанинг "Сувон Самсунг"га қарши кечган иккала ўйинини ҳам кўрдим. Лекин энг муҳими, биз аввало ўз ўйинимиз ҳақида ўйлашимиз керак. Аввалги рақибларимиз "Ал Дуҳайл" билан "Ал Садд" ҳам кучли жамоалар эди. Биз ҳужумкорликни сақлаб қоламиз ва финалда ҳам шундай ўйин намойиш этишни хоҳлаймиз".

"Кашима" Ғарб жамоаларидан фарқли ўйин кўрсатади. Улар айниқса техник жиҳатдан кучли. Қолаверса, рақиб таркибида Сержиньо бор", - дейди хорватиялик мураббий.

Эслатиб ўтамиз, бу йилги ОЧЛнинг дастлабки финали 3 ноябрь куни Японияда, жавоб учрашуви эса 10 ноябрда Эронда бўлиб ўтади.